How to Calculate Homeloan EMI?
👉మన దేశంలో చాలామంది స్థిరాస్తులు కొనడానికి లోన్లపైనే ఆధారపడతారు. కొంతమంది వద్ద ఇల్లు కొనడం లేదా కట్టుకోవడానికి సరిపడా డబ్బు ఉన్నప్పటికీ, EMI రూపంలో రుణం చెల్లించేందుకు సులభమైన, సౌలభ్యవంతమైన ఆప్షన్ ఉండడంతో, డబ్బు ఉన్న వ్యక్తులు కూడా హోం లోన్ వైపు మొగ్గు చూపుతున్నారు. ఆదాయ పన్ను భారం నుంచి తప్పించుకోవడానికి ఇంకొందరు హోం లోన్ తీసుకుంటున్నారు.
గృహ రుణాన్ని బ్యాంక్లు సురక్షిత రుణంగా పరిగణిస్తాయి. దీనిలో, మీరు నిర్ణీత కాలంలో తిరిగి చెల్లించేలా రుణం పొందుతారు. ఆ రుణం+ వడ్డీని ప్రతి నెలా సమాన మొత్తంలో EMI రూపంలో తిరిగి చెల్లించాలి. గృహ రుణ EMI గణన ప్రధానంగా మూడు అంశాలపై ఆధారపడి ఉంటుంది. అసలు (P), వడ్డీ రేటు (R), రుణ కాల పరిమితి (N). ఎలా లెక్కిస్తారంటే..
EMI లెక్కించడానికి సూత్రం: EMI = [PXRx (1+R)^N] / [(1+R)^N-1] ఈ సూత్రంలో... P = అసలు మొత్తం (50 లక్షలు); R= నెలవారీ వడ్డీ రేటు (వార్షిక వడ్డీ రేటును 12తో భాగించాలి); N = నెలల్లో రుణ కాల పరిమితి (సంవత్సరాల సంఖ్యను 12తో గుణించాలి).
👉ఉదాహరణ..
వడ్డీరేటు సంవత్సరానికి 9 శాతం & రుణ కాల పరిమితి 20 సంవత్సరాలు (240 నెలలు) అనుకుందాం.
ఇప్పుడు... అసలు మొత్తం (P) = రూ. 50,00,000; వార్షిక వడ్డీ రేటు = 9 శాతం & నెలవారీ వడ్డీ రేటు (R) = 9/12 = 0.75% లేదా 0.0075; రుణ కాల పరిమితి (N) = 20 సంవత్సరాలు × 12 = 240 నెలలు
సూత్రం ప్రకారం...EMI = [50,00,000 x 0.0075 x (1+0.0075) ^240] / [(1+0.0075)^240-1]
EMI నెలకు దాదాపు రూ.44,986 వస్తుంది. లోన్ కాల పరిమితిని 30 సంవత్సరాలకు పెంచితే, EMI రూ.38,046కి తగ్గుతుంది. చెల్లించాల్సిన వడ్డీ మొత్తం పెరుగుతుంది. అదే 10 సంవత్సరాలకు తగ్గిస్తే రూ.63,336కి పెరుగుతుంది, కానీ చెల్లించాల్సిన వడ్డీ తగ్గిపోతుంది.
👉వడ్డీ మొత్తం
20 సంవత్సరాల రుణంపై 9% వడ్డీ రేటు ప్రకారం, 20 సంవత్సరాలలో మొత్తం EMI = 44,986 × 240 = రూ.1,07,96,640 మొత్తం వడ్డీ = 1,07,96,640 - 50,00,000 = రూ. 57,96,640 అంటే, మీరు 20 సంవత్సరాలకు రూ.50 లక్షల రుణం తీసుకుంటే, మీ అసలు రుణ మొత్తానికి అదనంగా వడ్డీ రూపంలో రూ.57,96,640 చెల్లించాలి.
Social Plugin